الاسم : 25
الاب : يناير
المهنه : ثايرين على كل جاير
التهمه : مصريين نقولها ومصِّرين
نهتف بأصواتنا عاللى حاصل واللى داير
قلنا ثوره عيش وكرامه وحريه
قالوا أنتوا أعداء الوطنيه
أنتوا عاله أنتوا باله إنتوا رذيه
لأ سيادتك إحنا اللى فجرنا القضيه
إحنا اللى قررنا إن مصر تكون بهيه
تلبس التوب الاخضرانى وتغزل خيوط المغربيه
تغسل شطئانها الجميله من كل عهر الجاهليه
تمسح دما سيلتها كفوف الداخليه
تحضن حره طالتها إيدين العسكريه
وتبوس عيون إغتالتها عراة الأدميه
وإنتوا بتقولوا علينا دول رذيه
أيوه بلوى ورذيه ضد حكام البياده السلطويه
وإسمعوا صوت البهيه
مصر حره مصر حره مصر حره وأبيه
قلتوا عيد الثوره جاى
قلنا أيوه إحنا حنعيد القضيه
والمرافعه التانيه جايه ونهائيه
نهااااااااااااااائيه يارب ان شاء الله
ردحذفحلوه اوى اوى يا اخويا
تسلم ايدك يارب