الوقت بيمر يا صاحبى مرور الريح
وأنا وياه بنحبى طكطفل كسيح
مع أنه غالى ونبيك قالهالنا بشكل صريح
وقتك ده عمرك وضياعه ده ذنب قبيح
********************
خللينى يا صاحبى أقولك كلمتين
حبك لدينك وبلدك أمانه مش كلمه من حرفين
ولا قصيده نقولها بنخطها ف سطرين
عملك لدينك وبلدك ده واجبك وضى العين
*****************
أوعاك تكون يا صاحبى واقف على الهامش
بره الحياه بدون أهداف عايش ومش عايش
تتمنى تتكلم بحريه وصوتك راعش
وسهمك ضعيف تصوبه لكنه طايش
*****************
أيدك فى أيدى يابن وطنى عاليا فى السما
ده الاصل واحد عربى قومى بيجرى فى الدما
همى وهمك هم واحد قلوبنا مصمما
نتوحد تانى امه واحده حاميها رب الحما
ليست هناك تعليقات:
إرسال تعليق