فى وسط كل اللى احنا فيه ده
باقتراب اول ذكرى للثوره - اللى لسه مستمره بالمناسبه - او بالاصح ذكرى اول شراره للثوره
والواحد عمال يستعرض ذكريات الاحداث أكتشفت دور مهم وتحيه واجبه لازم تتبعت
للأطباء
بجد دور رئيسى ومشاركه رائعه من الاطباء اللى بس مقدموش خدمات لا وكمان قدموا مصابين وشهداء واتسحلوا وإتضربوا هما كمان
دور بجد عظيم
تخللينا نرجع ونتذكر اد ايه مهمنة الطب دى مهنه مقدسه وعظيمه وفعلا طلابها من اشرف الناس
اللى من أول يوم جروا على الميدان وعملوا اجدع مستشفى ميدانى وكانوا وسط الضرب والدخان والقنابل الغاز بيجروا ياخدوا المصابين ويداووهم بعزيمه وثبات
ونالوا نصيبهم كمان مؤخرا من الضرب والبهدله - بحجة انتوا بتعالجوهم ليه - يعنى ايه بيعالجوهم ليه
ويعالجوا مين إن شاء الله لو مش حيعالجوا الثوار
إنت نفسك ياللى بتتكلم إنت مع إنهم معارضينك بس لو إتصابت حيجروا عليك ويعالجوك
ده قسم ومهنه وواجب بيؤدوه لأى حد
وأساسا الاطباء دول خط أحمر
يعنى أيام الحروب بقى - الاعداء ميقدروش يجوا جنب الاطباء وكانوا بيمروا ادام عنيهم ويدخلوهم كمان وهما عارفين انهم رايحين يداواوا اعدائهم
بس مهنة الطب بره كل ده
تيجى إنت تضربهم وتسحلهم وتقتلهم كمان عشان بيؤدوا واجبهم
مهنة الطب فعلا دورها لازم نقدمله كلنا التحيه ولازم ياخدوا وسام على ده فعلا
فطوبى للأطباء
علاء عبد الهادى - شهيدا - طالب فى طب عين شمس
احمد حراره- البطل الذى فقد حبيبتاه - طبيب أسنان
الدكتوره غاده - التى سحلها الجيش
كل طبيب وقف وشارك فى المستشفيات الميدانيه لنجدة المصابين
بل كمان إن من الرموز اللى أبرزتها الثوره
دكتور باسم يوسف- ببرنامجه البرنامج
عرضت لنماذج مصغره جدا لاطباء برزت فى ثورة 25 يناير
وكل نموذج ورائه العديد من النماذج الرائعه عن روعة مهنة الطب بشرفائها وأحرارها
فطوبى للأطباء الاحرار
والله فعلا الناس بتبان اهميتها ودورها فى الشدائد وهما فعلا اظهروا معنى كلمة دكتور بجد
ردحذفربنا يباركلهم ويبارك لك واحد بيقوم بدوره
وربنا يحفظهم يااااااااااااارب
تسلم ايدك يا سمسم