حلقة ذكر

الله حى الله حى قتل ولادنا الرصاص الحى
الله حى الله حى سحل بناتنا العسكرىِّ

نبدأ كلامنا بسلامنا ع المصطفى الهادى الأمين
رمز الامان والانسانيه والرحمه لكل العالمين
رسول السلام خير الانام إمام المرسلين
اللى ماله زييييييي
الله حى الله حى قتل ولادنا الرصاص الحى
الله حى الله حى سحل بناتنا العسكرىِّ

سيدنا النبى قاللنا الرحمه من أخلاقى
واللى يحيد عن سكتى خصيمى يوم التلاقى
وصيته لأمته أخلاقى دى نزهه المشتاقِِ
للأمل اللى جاييييييييييي
الله حى الله حى قتل ولادنا الرصاص الحى
الله حى الله حى سحل بناتنا العسكرىِّ

إنت بقى عايش بإيه ياللى بتظلم عباد الله فى دنيته
دينك ده إيه خُلقك ده إيه ياللى حايد عن سكته
إظلم وإسحل عربد ومثل وإضحك قوى وإنت بتقتل أمته
اللى أملها لسه جايييييييييييييييي
الله حى الله حى قتل ولادنا الرصاص الحى
الله حى الله حى سحل بناتنا العسكرىِّ

جدعان أوى وطيبين إفهم بقى يا سيد البيه
أهل بلادى أه غلبانين بس فى المحنه ده أبن إيه
مهما ظلمته ولا قهرته ولا خنقته ساعة الشده
تلاقيه واقفلك وماتقولش ليه
ده لينا رب أسمه القوييييييييييي
الله حى الله حى قتل ولادنا الرصاص الحى
الله حى الله حى سحل بناتنا العسكرىِّ

كتبت يوم 26 ديسمبر 2011