الأسراء والمعراج

سبحانه أسرى بعبدهِ فى الليلة دى

للأقصى طار بيه البراق م الحرمِ

عيسى وخليله والكليم كنت إمامهم يا نبى

رسالة من رب العباد لحبيبه محمدِ

للفطره إهتديت وإرتويت باللبن

ومع الأمين طفت وعليت هدية من رب المنن

شفت إبراهيم وهو مرتاح فى الجنان

وفى المنتهى غمرك بنوره

وإرتويت من حنانه والأيمان

موسى كليمه أرشدك 

وهديتنا بشرع ربك للفرائض والسنن

صلاه وسلام الله عليك يارسول أخر الزمان

الحكم صدر وخالد سعيد

الحكم صدر والقاتل حضر بأمر البيه 

والشاهد قال ده برئ ونشر زوره بإيديه

ماهو أصل الكلب لسيده وفى حنقوله إيه

كان كـــلب الخُـــطّ لما شافه شِهد علــــيه

○○○○○○○○○○○○○○○○

هو أنت فاكر إن الحساب عدَّى كده هأو

ده الشعب لسه بضميره صاحى والعمر راح يحلوّ

وفوق ده كله ربك بعدله يمهل ولا يهمل

ونصره جاى ولا محاله ولو بعد حين حيجى الضو

○○○○○○○○○○○○○○○○

عدِّت سنه وكمان سنه والاسم بقى خالد

وعشانك إنت نزل الشوارع الشعب ده الجامد

بصبر القوى صرخ الفؤاد والقلب بقى صامد

ذكراك دى صوت الشهيد الحر يا سعيد يا خالد

                                                  " الذكرى الثانيه لخالد سعيد "