بعدهالك

وبعدهالك يا طيبه يا ست الكل يابهيه

ماله ميزانك بينعدل ساعتين تلاتهويميل كده خمسين ميه

الفجر لايح من بعيد فرحوا الصبايا عالصبحيه

تيجى الغمامه تخطفه تبكى البنات عالزراعيه

والشمس تيجى مغمضه وتعبنا والله مداديه

هو انتى جُرتى على اولادك ولا احنا مافهمنا الحريه

صوتنا فين

ايه اللى حصل ........ ايه اللى حصل
الشعب م الصدمه يقول هو إحنا صوتنا لفين وصل

خلاص بقينا بنـــجيــب فلــول

خلاص تهنا ومن غير عقول

خلاص ضعنا ومفيش حلول

ايه اللى حصل ......... ايه اللى حصل
هو احنا صوتنا لفين وصل

صوتنا خلاص راح للفلول والهم بقى زايد

صوتنا ببلاش وياشعب قول ده القلب صار قايد

صوتنا إتوأد م الذهول أسفه يامينا وليك يا خالد

ايه اللى حصل ......... ايه اللى حصل
هو احنا صوتنا لفين وصل